Pati ba naman sa Sports...

Binabati ko si Willy Wang sa pagkapanalo niya ng gintong medalya sa Beijing.

Pero teka muna, bago tayo magpunyagi sa tagumpay ng ating kakabayan, may gusto lang akong iparating sa ating “MAHAL” na gobyerno:

PUNYETA kayo! Wag nyong pinaglololoko ang mga Filipino!

Hindi kami BOBO para hindi maintindihan ang ibig sabihin ng salitang “OLYMPIC Event” at “TOURNAMENT”. Si Willy ay nanalo sa Wushu Tournament na ginanap sa Beijing din mismo, na nagkataong isinabay doon din sa pinag-ganapan ng katatapos lamang na Olympics. Hindi rin kami BOBO para maniwalang Olympic Event ang Wushu dahil hindi ito naka lista sa talaan ng Medal Tally sa Olympics. Nagpapaniwala kayo sa Tsina na mahigit limandaang taon na tayong pinaglololoko. Hindi naman kami TANGA upang maniwala na ginamit na lugar ng pagdadausan ng torneo ang Beijing para magmukhang saklaw ito ng Olympics.

Kung Olympics lang naman ang usapan, eh, sa tingin nyo kaya makukuha natin ang gintong medalya sa Wushu, na isang laro na nagmula sa Tsina mismo? Kung Olympic event yan, sa tingin nyo kaya may pag-asa tayo sa mga intsik sa Wushu? WALA maski isa. Siguradong gagawan ng paraan ng Tsina na makuha nila ang gintong medalya dyan, sa anumang paraan, upang ipandagdag sa medal tally nila sa Olympics upang ipakita sa buong mundo ang kanilang kakaibang galing sa larangan ng palakasan.

Hindi sa binabalewala natin ang tagumpay na nakamit ni Willy Wang, pero sana wag na po tayong sumakay sa pagkapanalo niya kasi wala naman tayong naitulong. SARILING SIKAP ng tao kung bakit siya nanalo sa paligsahan. Wag na po tayong sumakay sa kasikatan ng tao, kung noong bago siya sumali sa paligsahan eh ni katiting na pansin hindi ninyo magawang ibigay. Pagkatapos ngayong nanalo siya nagkukumahog kayong magmalaki na para bang kayo ang pangunahing dahilan ng tagumpay ni Willy. Wag na kayong magpapapogi, kung pwede lang! Kahit magpa plastic surgery pa kayo kay Dra. Belo, hindi na matatakpan ang kapapalkan ninyo, kahit sa larangan ng Sports. Kaya pala translation ng SPORTS sa Tagalog ay PALAKASAN - palakasan ng impluwensiya at pakapalan ng mukha pala ang ibig sabihin nito.

Kung pwede lang, patahimikin na ninyo ang sambayanang Filipino! Pati ba naman sa SPORTS ginagawan ninyo ng kasinungalingan at katarantaduhan? Maawa naman kayo sa sarili ninyo, kahit huwag na samin. Hindi naman kami ang babalikan ng karapatang parusa pagdating ng paghuhukom. Kung gusto ninyo, si Manny Pacquiao na lang ang uto-utuin ninyo. Siya na lang ang gamitin ninyo kung sa tingin ninyo ay maibabalik sa inyo ang tiwala ng sambayanang Filipino. Wag na kayong mandamay ng inosente...

Binabati ko ulit si Willy Wang sa kanyang tagumpay! Sana lang hindi siya mauto ng pamahalaan natin katulad ng milyong milyong Filipino na nauto nila simula pa nung 2001.