mahal ang kotse at gas
mahal ang kilo ng bigas
mahal ang bayad sa katulong
mahal ang presyo ng talong
mahal ang pasahe sa dyip
mahal sa SOGO umidlip
mahal ang magpa-ospital
mahal ang gastos sa burial
mahal gamot ng maysakit
mahal ang bayad sa internet
mahal ang tuition sa iskul
mahal maligo sa swimming pool
mahal manood ng sine
mahal sa Starbucks mag-kape
mahal ang entrance sa Embassy
mahal ang sustento sa kulasisi
mahal ang beach sa Boracay
mahal ang pamasahe sa Paoay
mahal umorder ng tokwa at lugaw
mahal mag beerhouse sa Cubao
mahal orig na DVD
mahal ang plasma na TV
mahal ang unlimitext
mahal ang toll sa NLEX
mahal ang singil sa kuryente
mahal ang broadband ng ZTE
mahal mangampanya sa eleksyon
mahal ang gagastusin sa automation
sa Araw ng Kalayaan
na ipagdiriwang ng karamihan
sabi ng gobyernong hangal
motto: Pilipinas kong mahal
makikipagdiwang ka pa ba?
kung puro korupsyon ang nakikita
siguro dapat itanong sa bawat tao
ang Pilipinas kaya, mahal mo?
